«Жаңа технология әдістерін қолдану арқылы ағылшын тілі сабағының сапасын арттыру» облыстық семинары |
2013 жылдың 12 наурызында Мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің жоспарына сәйкес ағылшын тілі пәні оқытушыларының облыстық әдістемелік бірлестігі мүшелерінің қатысуымен оқытушылардың өзара іс-тәжірибесімен бөлісу, ағылшын тілі сабақтарында қазіргі заманауи ақпараттық-коммуникациялық технология әдістерін тиімділігін насихаттау мақсатында «Жаңа технология әдістерін қолдану арқылы ағылшын тілі сабағының сапасын арттыру» тақырыбында ағылшын тілі пәні оқытушыларының облыстық семинары оздырылды. Жаңа технологияны меңгеру оқытушының интеллектуалдық, кәсіптік, адамгершілік, рухани, азаматтық және басқа да адами қабілетінің қалыптасуына игі әсерін тигізетінін, қазіргі білім беру саласындағы оқытудың озық технологияларын меңгермейінше сауатты, жан-жақты маман болу мүмкін еместігін, ағылшын тілін сапалы оқыту - заман талабы екені айқын. Семинар барысында эксперттік топ құрылып, оның ішінен Ж.Досмұхамедов атындағы педагогикалық колледждің оқытушысы А.Т.Қуанышқалиеваның «Ways of Teaching Grammar» тақырыбындағы баяндамасын және Сервис және жаңа технологиялар колледжінің оқытушысы И.А.Губанованың «The Environment» тақырыбындағы сабағын өте жоғары деңгейде бағалады. Семинар соңында «Менің ойымша» деген ұсынба парағының қорытындылау нәтижесінде оқытушылар өз іс тәжірибелерімен бөлісіп, пікір алмасып, жаңа технология әдістерін қолдану арқылы ағылшын тілі сабағының сапасын арттырудың әдіс-тәсілдері туралы ойлары айтылды. Мастер кластарды көрсету кезінде түрлі ойындар ойналып, әндер айтылып, тренингтер оздырылып, семинар тартымды өтті. МДЖОТжКББҰ облыстық оқу-әдістемелік кабинеті |