Батыс Қазақстан облысы білім басқармасы мектепке дейінгі, жалпы орта, техникалық және кәсіптік білім беру ұйымдары  облыстық оқу-әдістемелік кабинетінің ұйымдастыруымен ағымдағы жылдың 26 ақпанында Тасқала ауданы, Қ.И.Сәтбаев атындағы жалпы орта білім беру мектебінде «Бастауыш сыныпта білімділік технологиясын таңдауға инновациялық тәсіл» тақырыбында облыстық семинар-кеңес өткізілді.

Семинардың мақсаты: оқыту мен тәрбиелеу үрдісінде әртүрлі әдіс-тәсілдерді, оқыту технологияларын қолдана отырып, оқушының интеллектуалдық, шығармашылық қабілеттерін арттыруға бағытталған жұмыс түрлерін ұйымдастыру.

Семинар теориялық және практикалық  түрде ұйымдастырылды. Теориялық бөлімінде электрондық оқулықтардың презентациясымен таныстырылды және  «Бастауыш сынып бойынша мемлекеттік стандарттың орындалу деңгейіне қойылатын талаптар туралы»  бағыт берілді. Практикалық бөлімінде тақырыпқа сай мұғалімдер өз сабақтарын көрсетті.Семинар кеңес соңында қатысушылар өз ойларын айтып, пікір алмасты.