2013 жылдың 27 ақпаны күні «Қазақстан Республикасының Президенті – Елбасы Нұрсұлтан Әбішұлы Назарбаевтың «Қазақстан-2050» стратегиясы – қалыптасқан мемлекеттің жаңа саяси бағыты» атты Жолдауындағы тапсырмаларды Мемлекеттік білім беруді дамыту бағдарламасы арқылы жүзеге асыру» тақырыбындағы облыс білім беру қызметкерлері активі өткізілді.

Актив жұмысына Батыс Қазақстан облысының әкімі Нұрлан Асқарұлы Ноғаев,  облыс әкімінің орынбасарлары, облыстық мәслихат депутаттары,жоғары оқу орындарының ректорлары, аудан, қала әкімдері,басқарма басшылары, білім беру және ғылым қызметкерлерінің облыстық кәсіподақ комитетінің төрағасы,  еңбек ардагерлері, Назарбаев зияткерлік мектебінің, БҚО бойынша педагог қызметкерлердің біліктілігін арттыру институтының,  балалар құқығын қорғау,  саласындағы бақылау  департаменттерінің басшылары,  аудандық (қалалық) білім беру бөлімдері мен әдістемелік кабинет меңгерушілері, оқу орындарының басшылары және орынбасарлары,   мұғалімдер мен бұқаралық ақпарат құралдарының өкілдері қатысты.

Активте білім беруді жаңғырту кезеңіндегі облыстағы Мемлекеттік білім беруді дамыту бағдарламасының орындалуы, білім сапасын арттырудағы аймақтық құрылымдардың әрекеттестігінің ролі, педагог кадрлардың біліктілігін арттырудың жаңа амалдары, білім беру нәтижелерін басқаруға қойылатын жаңа талаптар және басқарушылық іс-әрекеттегі басты құзыреттілікті қалыптастыру, Қазақстан 2050» Стратегиясы мен еңбек нарығы сұранымына сай қажетті мамандар даярлау, ауыл мектебі жағдайында дарынды балалармен жұмысты ұйымдастыру және білім беру мекемелеріндегі өзекті мәселелер туралы айтылды.