2013 жылдың 22 ақпаны күні облыстық білім басқармасының, бұқаралық ақпарат құралдары өкілдерінің, психологтік-дәрігерлік-педагогикалық кеңес беру мекемелері басшыларлының, облыстық арнайы мектептер, аудандық психологиялық-педагогикалық түзеу кабинеттерінің, үкіметтік емес және қоғамдық ұйымдар өкілдерінің және даму мүмкіндігі шектеулі балалар ата-аналарының қатысуымен «Дамуында арнайы қажеттілікті талап ететін балаларды жалпы білім беру процесіне кіріктірудің заманауи жолдары» атты дөңгелек үстел ұйымдастырылды. «Дөңгелек үстелге» облыстық білім басқармасының арнаулы білімді дамыту және балалар құқықтарын қорғау бөлімінің бастығы Н.Лебедева, бөлімнің жетекші маманы Е.Тұяқов, БҚО «Бәйтерек» мүгедек-балалар ашық қоғамының төрайымы М.Санкаева қатысты.

Н.Лебедева «Дөңгелек үстелге» қатысушыларда облыс бойынша білім беру мекемелерінің түзеу-педагогикалық жұмыстары жағдайымен, даму мүмкіндігі шектеулі балаларға білім берумен және оларды қоғамға кіріктірумен байланысты медиа жоспарлармен таныстырды.

Даму мүмкіндігі шектеулі балаларды жалпы білім беретін мектептерге, балабақшаларға кіріктіру бойынша өзекті мәселе көтеріліп, қосымша білім беру, дарынды балалар, жас туристер, жас техник орталықтарымен, экологиялық-биологиялық орталықпен, Гайдар атындағы балалар кітапханасымен бірлесе отырып, осы балаларды аудандық, қалалық және облыстық деңгейдегі мектептен тыс шараларға,балалар және жасөспірімдер спорт мектебімен бірлесіп жылқы спорт түрінен өткзілетін шараларға қатыстыру туралы сындарлы пікір алмасу өтті.

Жаңақала аудандық психологиялық-педагогикалық түзеу кабинетінің меңгерушісі А.Рахимова және Казталов аудандық психологиялық-педагогикалық түзеу кабинетінің дефектологі Г.Э.Имангалиева арттерапиясы және ақпараттық-коммуникациялық технологиялары бойынша өз жұмыс қорларымен бөлісті.

«Бәйтерек» мүгедек-балалар ашық қоғамының төрайымы М.Санкаевамен білім беру мекемелерінің мамандары мен үкіметтік емес ұйымдар өкілдерінің арасындағы байланысты орнатуда туындайтын мәселелер талқыланды.

2013 жылы облыстық психологиялық-дәрігерлік-педагогикалық кеңес беру мекемесінің жанынан ашылған түзеу-диагностикалық топтардың жұмыс бағыттары жөнінде облыстық психологиялық-дәрігерлік-педагогикалық кеңес беру мекемесінің меңгерушісі Р.Маселова мен әңгіме қозғалды.

«Дөңгелек үстел» барысында білім беру мекемелер және үкіметтік емес ұйымдар бірлесіп шаралар ұйымдастыру және өткізілгелі жатырған шаралар туралы тұрғындарды бұқаралық ақпарат құралдары арқылы хабардар етіп отыру туралы шешім қабылданды.