Білім басқармасы ағымдағы жылы елімізде жыл сайын жазғы демалыс қарсаңында 1-12 маусым аралығында өтетін «Бала еңбегін қанауға қарсы 12 күн» Ұлттық ақпараттық науқаны "Еңбектен бос балалық шақ" ұранымен басталғандығын хабарлайды.

Науқанды өткізудің негізгі мақсаты қоғамның назарын, соның ішінде ересектерді, балаларды және олардың ата-аналарын балалар еңбегінің ең нашар түрлерін қолданудың алдын алу мәселелеріне аудару, сондай-ақ осы саладағы құқықтық ақпараттандыру болып табылады.

Ұлттық ақпараттық науқанды өткізу мемлекеттік органдар мен ұйымдардың, үкіметтік емес ұйымдардың, жұмыс берушілер мен БАҚ-ның бала еңбегін пайдалануды алдын алу және болдырмау мәселелерінде серіктестік пен ынтымақтастықты дамытуға себеп болады.

Бала еңбегінің нашар түрлеріне тартылған  жағдайда, балаларға қатысты зорлық-зомбылық және қатыгездік көрсетуді алдын алу үшін Балалар мен жастарға арналған «111» Ұлттық сенім телефонына және Батыс Қазақстан облысының білім басқармасының - 8 (7112) 260463 сенім телефонына хабарласа аласыздар.