2019 жылдың 14-15 мамыр күндері облыстық әдістемелік кабинеттің жоспары бойынша ерекше білім беруді қажеттіліктері бар  балалармен жұмыс істейтін мұғалімдерге сонымен бірге арнайы мамандарына тәжірибелік көмек және әдістемелік қолдау көрсету мақсатында Ашық есік күні өтті.

Батыс Қазақстан облысы білім басқармасы және мектепке дейінгі, жалпы орта, техникалық және кәсіптік білім беру ұйымдарының облыстық оқу – әдістемелік кабинетінің ұйымдастыруымен  «SPARK (ИСКРА) - ИДЕЯ» жобасы аясында Ашық есік күні ұйымдастырылды. Қатысушылар саны – 60(адам).  Семинар барысында  аудандық, қалалық білім беру бөлімдерінің инклюзивті білім беру саласына жетекшілік ететін мамандары, әдіскерлері мен жалпы білім беретін мектептердегі инклюзивті және түзете-дамыта оқыту сыныптарының педагогтері, дефектологтері мен логопедтеріне практикалық  көмек және әдістемелік қолдау көрсетілді.

Ашық есік күні облысымыздың 2 (екі) арнаулы  мектеп – интернаттарын да  өткізілді. Облыстық арнаулы мектеп – интернаттарының барлық педагогтері әр түрлі бағытта 40 шеберлік сыныптарын ортаға салды. Әдістемелік күні қатысушыларға ерекше білім беруді қажеттіліктері бар балаларға оқытуды таныстырып қоймай, сонымен бірге педагогтері,  логопед, дефектолог мамандары түзету жұмыстарын көрсетті. Сонымен қатар, семинарға қатысушылар үшін сыныптан тыс шаралар оздырылды.