Қазақстан Республикасы Әділет министрлігі Қазақстан Республикасы Тұңғыш Президенті – Елбасы Қорымен бірлесіп жыл сайын қазақстандық оқушылардың зияткерлік әлеуетін ынталандыруға және қолдауға бағытталған «Nazarbayev Fund Schools Challenge» байқауын өткізеді. 2019 жылғы байқау аэроғарыш тақырыбына арналады.

Байқаудың демеушілері «Samruk Kazyna Trust» КҚ және «Air Astana» ұлттық әуетасымалдаушысы.

Байқау 16-18 жас аралығындағы, ағылшын тілін еркін меңгерген, физика-математика және жаратылыстану ғылымдары саласындағы жетістіктері мен өзіндік жобалық іс-әрекет тәжірибесі бар қазақстандық оқушылар топтарының арасында өткізіледі. Әр топтың құрамына төрт оқушы және бір оқытушы кіреді.

Іріктеу турына қатысуға ниет білдірген мектеп топтары,

2019 жылдың 15 наурызынан бастап 10 мамырға дейін http://shapagat.kazpatent.kz/ru/nfsc сілтемесі бойынша онлайн-платформада тіркеу нысанын толтыру арқылы тіркелуі қажет.

Іріктеу қорытындысы бойынша облыстан 1 топ ақтық турға өтеді. Нәтижелер 2019 жылғы 27 мамырда онлайн-платформада орналастырылады.

Байқаудың ақтық кезеңі 2019 жылдың 25-27 маусым аралығында Астана қаласында өтеді, қорытынды бойынша жеңімпаз топтар 2019 жылдың

19-26 тамыз аралығында Крэнфилд университетіне (Лондон қ., Ұлыбритания) оқу - танымдық сапарға жіберіледі.