Орал қаласының оқушылар және жастар сарайының базасында Елбасының «Болашаққа бағдар: рухани жаңғыру» мақаласын жүзеге асыру мақсатында Білім басқармасының жұмыс жоспарына сәйкес «Отбасы бақыты – ұлт бақыты» облыстық ата-аналар конференциясы өтті.

Конференцияға БҚО білім басқармасының басшысы Ш.Қадырова, профессор, филология ғылымдарының докторы М.Сабыр, доцент, тарих ғылымдарының кандидаты Ж.Жақсығалиев, ҚР еңбек сіңірген мәдениет қызметкері, ақын Ш.Қыдырниязов, журналист М.Балмолда, Батыс Қазақстан облысы Дін істері басқармасы «Дін мәселелерін зерттеу орталығы» ҚММ-нің өкілі, Батыс Қазақстан облысы денсаулық сақтау басқармасының өкілі Х.Саримова, сондай ақ аудандық,қалалық ата-аналар комитетінің өкілдері, БАҚ өкілдері, білім саласының қызметкерлері қатысты.