Экономикалық және ақпараттық технологиялар колледжі базасында облыстық білім беру қызметкерлерінің тамыз кеңесі аясында «Рухани жаңғыру» - ұлт болашағының жарқын кепілі» тақырыбындағы директорлардың тәрбие ісі жөніндегі орынбасарлары мен психологтердің секциялық отырысы өтті.

Қатысушыларды білім басқармасының кәсіптік білім және кадрлар даярлау бөлімінің бас маманы Айжан Испембетова кұттықтап, кеңес жұмысына сәттілік тіледі. Бұл күні ҚР Дін істері және азаматтық қоғам министрлігі Дін істері комитеті Мәдениеттер мен діндердің халықаралық орталығының өкілі, БҚО дін істер басқармасы, «Рухани жаңғыру» музейі, облыстық жастармен жұмыс жөніндегі ресурстық орталығының қызметкерлері ортадан табылып, нәтижесінде көптеген мәселелердің түйіні тарқатылды, көкейде жүрген сауалдарға нақты жауаптар алынды. Әсіресе, жастар саясаты, діни сауаттылық, студенттерге патриоттық тәрбе беру, «Рухани жаңғыру» музейінің жұмысы туралы келелі ойлар ортаға салынды. Кеңес соңы психологиялық тренингпен аяқталды.