Тамыз кеңесінің «Төртінші өнеркәсіптік революция жағдайындағы адами капитал» тақырыбы аясында облыстық оқу-әдістемелік кабинетінің ұйымдастыруымен №8 облыстық дарынды балаларға арналған мамандандырылған мектеп базасында гуманитарлық және көркем-эстетикалық  пән мұғалімдері мен әдіскерлерінің секциялық отырыстары оздырылды.

Секциялық отырыстардың негізгі мақсаты - мұғалімдердің шығармашылық ізденісін ынталандыру, педагогикалық инновацияларды енгізу.

Жалпы секциялық отырыстарға 200 аудандық (қалалық) әдістемелік кабинет әдіскерлері мен пән мұғалімдері қатысты.

Секция жұмыстары педагогикалық алаң форматында өткізілді.

Ақпараттық-аналитикалық бөлімінде 2018-2019 оқу жылының арналған әдістемелік-нұсқау хатының жобасымен  таныстырылды.

Практикалық бөлімі әдістемелік шеберхана түрінде ұйымдастырылып, жаңартылған  білім беру мазмұны жағдайында оқыту мәселелері,  білім сапасын арттыру, мұғалімнің педагогикалық мәдениетін жетілдіру мен белсенді оқытудың жаңа  әдістері мен формаларын қолдану бағытында шеберлік сыныптары көрсетілді.

Секция жұмыстары жаңа оқу жылында білім берудің басым бағыттары мен міндеттері белгіленіп, ұсынымдар қабылдаумен аяқталды.