Қазақстан Республикасы Білім және ғылым министрлігінің жұмыс жоспарына сәйкес  ағымдағы жылдың 8 ақпан  күні Жәңгір хан атындағы Батыс Қазақстан мемлекеттік аграрлық- техникалық университетінің базасында Білім және ғылым министрлігі Ұлттық тестілеу орталығының директоры Қ.С.Әбдиевтің қатысуымен 2013 жылғы ұлттық бірыңғай тестілеуді ұйымдастыру мен өткізу бағытындағы ақпараттық – түсіндіру семинар кеңесі өткізілді.

Кеңеске аудан әкімінің орынбасарлары, облыстық балалар құқықтарын қорғау және білім саласындағы бақылау департаментінің қызметкерлері, аудандық (қалалық) білім  бөлімдерінің меңгерушілері, ҰБТ ӨП жетекшілері, құқық қорғау  және бұқаралық ақпарат құрал өкілдері, М.Өтемісов атындағы Батыс Қазақстан мемлекеттік және Жәңгір хан атындағы Батыс Қазақстан аграрлық-техникалық университеттерінің қызметкерлері, білім білім беру ұйымдарының басшылары, ата-аналар, мектеп бітірушілері (барлығы - 320 адам) және он-лайн режимінде облыстың 103 білім беру ұйымдары қатысты.