Елордадан жағымды хабар жетті. ХІІІ «Жұлдызай» республикалық балалар шығармашылық фестивалінде облысымыздан барған арнайы мектеп -интернат тәрбиеленушілері топ жарып, жеңімпаздар қатарын толықтыруда.

Атап айтсақ, облыстық көру қабілеті бұзылған балаларға арналған арнаулы мектеп-интернатының оқушылары Рысхан Дәріс 15 - 18 жас аралығында «Вокал» номинациясынан, Диана Сарманова 10 - 14 жас аралығында «Вокал» номинациясынан І орынды жеңіп алып, өңіріміздің мерейін асқақтатты.

Зерде бұзылыстары бар балаларға арналған облыстық арнайы мектеп - интернатының оқушылары Зәріп Бірлік «Хореография» номинациясы бойынша І орынды және «Көркем қолданбалы өнер» номинациясы бойынша Резниченко Татьяна ІІІ орынды иеленді.
Облыстық есту және сөйлеу қабілеті бұзылған балаларға арналған мектеп-интернат кешенінің «Арман» би тобы «Хореографиядан», сондай-ақ «Бейнелеу өнері» аталымы бойынша Дина Иржанова ІІ жүлделі орыннан көрінді. Ал «Ым-қимыл әні» номинациясы бойынша Анастасия Тимошенкова ІІІ орынмен қуантып отыр. Бұл жеңіс - балаларды өнерге баулыған Р.Искакова, А.Амандықова, А.Тіленберлиева, Э.Абулхайрова, Ж.Ихсанова, Б.Валиев секілді жетекшілердің де жеңісі екенін ескерген жөн.