Бүгін «Рухани жаңғыру» қоғамдық сананы жаңғырту бағдарламасын іске асыру шеңберінде және "Отбасы сағаты" республикалық акциясы аясында «Білімді ұлт – сапалы оқыту мен отбасы құндылығы» жалпыұлттық ата-аналар жиналысы дарынды балаларға арналған мамандандырылған №8 мектепте де өтті. Ата-аналар жиналысының мақсаты – жаңартылған білім беру мазмұнын енгізу жөніндегі мемлекеттік білім саясатын талқылауға ата-аналарды тарту болатын.
Жалпыұлттық ата-аналар жиынында - «Рухани жаңғыру» бағдарламасын іске асыру аясында жасалған жұмыстар, 11-сынып оқушыларын қорытынды аттестаттау, оқу жылын қорытындылау, оқушылардың білім сапасы, мектептегі қамқоршылық кеңестің қызметі, отбасы құндылықтарын насихаттау және отбасы мен мектептің өзара байланысын нығайту, оқу үрдісін цифрландыру мәселелері сөз болды.