Барлық орта білім беру ұйымдарында бірдей уақытта бүгін сағ. 17.30-да «Рухани жаңғыру» қоғамдық сананы жаңғырту бағдарламасын іске асыру шеңберінде және "Отбасы сағаты республикалық акциясы аясында «Білімді ұлт – сапалы оқыту мен отбасы құндылығы» жалпыұлттық ата-аналар жиналысы өтуде.

Ата-аналар жиналысының мақсаты – жаңартылған білім беру мазмұнын енгізу жөніндегі мемлекеттік білім саясатын талқылауға ата-аналарды тарту.
Жалпыұлттық ата-аналар жиналысының күн тәртібінде «Рухани жаңғыру» бағдарламасын іске асыру - тәрбие негізі; 11-сынып оқушыларын қорытынды аттестаттау; оқу жылының қорытындылары, оқушылардың білім сапасы; мектептердегі қамқоршылық кеңестердің қызметі, отбасы құндылықтарын насихаттау және отбасы мен мектептің өзара байланысын нығайту; оқу процесін цифрландыру мәселелері енгізілген.
Дәл осындай жиналыс тап қазір дарынды балаларға арналған мамандандырылған С.Сейфуллин атындағы №11 қазақ мектеп-интернат кешенінде өтіп жатыр.