«Мамандық әлемі»

05.05.2018 10:50

Кеше БҚО білім басқармасы және мектепке дейінгі, жалпы орта, техникалық және кәсіптік білім беру ұйымдарының оқу-әдістемелік кабинеті ағымдағы жылдың 4 сәуір мен 4 мамыр аралығында өткен мектеп түлектері арасындағы кәсіптік бағдар беру жұмыстарын жетілдіру бойынша «Мамандық әлемі» атты айлығын қорытындылау мақсатында облыс бойынша білім беру ұйымдары басшыларына, кәсіптік бағдар беру бойынша жауапты мамандарына облыстық онлайн режиміндегі дөңгелек үстел ұйымдастырылды. Дөңгелек үстелге БҚО Кәсіпкерлер палатасы, Ж.Досмұхамедов атындағы педагогикалық колледжінің өкілдері қатысты.
Кеңес барысында «Мамандық әлемі» айлығының қорытындысы, жалпы орта білім беретін мектептердегі кәсіптік бағдар берудің әдістері мен формаларының тиімділігі, жұмысшы мамандықтардың беделін арттыруға бағытталған кәсіби бағдар беру жұмысының негізгі идеялар жүйесі талқыланды.