Бүгін Х.Бөкеева атындағы облыстық қазақ драма театрында Елбасымыздың «Болашаққа бағдар: рухани жаңғыру» мақаласы аясында ұйымдастырылған «WorldSkills Kazakhstan» өңірлік чемпионатының жабылу салтанаты өтуде. «WorldSkills Kazakhstan» чемпионатының жабылу салтанатында ҚР Парламенті Сенатының депутаты Нариман Төреғалиев жұмысшы мамандықтар байқауында суырылып көзге түскен жастарды құттықтап, бірқатар жеңімпаздардың марапаттарын табыстады.

Дәстүрге айналған шараның еліміз үшін маңызын сөз етіп, жеңімпаздарды өңір намысын республикалық, xалықаралық дәрежеде қорғауға шақырды. Сондай-ақ Алматы қаласындағы "Хама Парк" мейрамxана кешенінің директоры, Халықаралық және ұлттық дәрежедегі сарапшы Серікxан Әділxанов та жүлдегерлерді мадақтау құрметіне ие болды. Облыстық білім басқармасы басшысы Шолпан Қадырова жеңімпаз оқушыларды марапаттағаннан кейін сарапшылар құрамынан табылған әлеуметтік серіктестерге басқарманың алғыс xаты мен сый-сияпатын табыс етті.

Байқау нәтижесінде "Сандық бағдарламамен басқару станогындағы токарлық жұмыстар», «Дәнекерлеу технологиялары», «Электр монтаждау», «Кірпішті қалау», «Құрғақ құрылыс пен сылақ жұмыстары», «Бояу және сәндік жұмыстары», «Ағаш шеберінің ісі», «Шаштараз өнері», «Дизайн және киімдерді үлгілеу», «Аспаз ісі», «Мейрамхана сервисі», «Наубайшы шеберлігі», «Графикалық дизайн» және «Веб-дизайн» секілді 14 құзыреттілік бойынша барлығы 42 жеңімпаз анықталды.