Білім басқармасының жұмыс жоспарына сәйкес наурыз айының 28-30 күндері аралығында Орал қ. «Евразия» туристік-сауықтыру кешенінде облыстық Болашаққа бағдар: рухани жаңғыру» бағдарламасы бойынша «Мен өз өлкемді зерттеймін» жобасы аясында «Менің Отаным – Қазақстан» туристік-өлкетанулық экспедиция жасақтарының слеті өтті.

Слеттің мақсаты: оқушылардың бойында ұлттық патриотизмді қалыптастыру, өзінің туған ауылына, өңіріне деген сүйіспеншілікті арттыру.

Слетке қалалық, аудандық кезеңдерінің жеңімпаздары – 7-10 сынып оқушыларынан құралған командалары қатысты. Жалпы қатысқан командалар – 14 команда, соның ішінде, 12 аудандық  құрама мен Орал қаласының  «Атамекен» және ОБЖТжЭО (облыстық балалар мен жасөспірімдер туризмі және экология орталығы) командалары, барлығы 91 қатысушы.

Қатысушылар төмендегідей бағыттар бойынша сайысқа түсті.
1. «Тарих қойнауында»
2. «Сөнбес жұлдыздар»
3. «Рухани қазына»
4. «Ескерткіштер ел тарихы»
5. «Табиғат және экология»
6. «Туған өлке соқпақтары»

6 бағыт бойынша жалпы командалық есептегі нәтиже.
1-орын – Зеленов ауданының командасы
2-орын – Сырым ауданының командасы
3-орын – Тасқала ауданының командасы.