Батыс Қазақстан облысы Білім басқармасы мен мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің жоспарына сәйкес 2018 жылдың 1 наурызында «Рухани жаңғыру» бағдарламасының «Тәрбие және білім» кіші бағдарламасы аясында «Өз ісімді қалай бастаймын?» тақырыбында техникалық және кәсіптік білім беру ұйымдары студенттерінің арасында онлайн режимінде семинар – тренинг өтті.

Семинардың мақсаты: студенттердің кәсіпкерлік қызметке деген қаржылық сауаттылығын, қызығушылығын және  белсенділігін арттыру, жастарды бизнес-ортаға бейімдеу.

Семинарға техникалық және кәсіптік білім беру ұйымдарының студенттері, колледждердің бизнес - клуб мүшелері қатысты.

Семинарда алғы сөз Білім басқармасының кәсіптік білім және кадрларды даярлау бөлімінің бас маманы С.М.Жұмагереевке берілді «Бизнес қауымдастығы» ЖШС директоры Д.С. Сатқанов тәжірибесімен бөлісіп, өз ісін қалай бастағаны жөнінде мәлімдеді. «Даму» кәсіпкерлікті дамыту қоры» АҚ БҚО бойынша филиалының  бас менеджері Р.Р. Кусманов ісін жаңа бастағалы отырған кәсіпкерлерге арналған мемлекеттік бағдарламалармен таныстырды. Батыс Қазақстан индустриалды колледжі директорының тәрбие ісі жөніндегі орынбасары Г.К.Кабулова «Табысқа жету стратегиясы» атты бизнес- тренинг өткізді.Студенттер тарапынан сұрақтар қойылып, оларға жауап алды.

Онлайн семинарға калалық және ауылдық колледждерден барлығы 400 студент қатынасты.