Кеше «Рухани жаңғыру» бағдарламасы аясында Орал «Сервис» технологиялық колледжінде туған өлке тарихын зерттеу, студенттерді ғылыми ізденіске баулу, студенттерінің туған жерге деген сүйіспеншілігін арттыру, патриоттық сезімдерін әрі қарай дамыту мақсатында «Ақжайығым – туған мекенім, қойнауың тұнған шежіре» тақырыбымен облыстық студенттік ғылыми-практикалық конференция өтті.

Конференцияның пленарлық отырысында М.Өтемісов атындағы Батыс Қазақстан мемлекеттік университетінің ҚР тарихы кафедрасының аға оқытушысы Б.Бақтығұлова, БҚО тарихи-өлкетану музейі филиалы С. Ғұмаров музей-үйінін қызметкері А.Абдрахманова сөз алды.

Үш бағыт бойынша оздырылған секциялар отырысында ТжКББ ұйымдарының студенттері өз баяндамаларын және жобаларын ұсынды.

Конференцияның қорытындысы бойынша үздік қатысушыларға дипломдар, грамоталар табыс етілді.