Кеше басталған «Табысқа жету формуласы: оқытамыз, үйренеміз, ізденеміз» І-ші жас педагогтер жәрмеңкесі» бүгін мәреге жетті. Қаламыздағы Оқушылар және жастар сарайында өткен шараға облысымыздың ғана емес, Ресей Федерациясының Саратов, Самара өңірлерінің тәжірибелі және жас мамандары қатысты.

Облыстық білім басқармасының мектепке дейінгі, жалпы орта, техникалық және кәсіптік білім беру ұйымдарының оқу-әдістемелік кабинеті ұйымдастырған жәрмеңке барысында шараның ашылуы өтіп, жас педагогтер презентация жасап, жұмыстарын қорғады. Және көршілес елден келген меймандар үшін Назарбаев зияткерлік мектебіне саяхат ұйымдастырылып, «Тиімді сабақты қалай өткізуге болады?» тақырыбымен оқыту-үйрету семинары өткізілді. Бүгін педагогтер тәжірибе алмасып, шеберлік сыныптарында бас қосты. Шара нәтижесінде қатысушыларға сертификаттар табысталды.