Бүгін, ақпанның 17-сі қаламыздағы "Alem Plaza" сауда орталығында Мектептен тыс жұмыс орталығы күні өтуде. Оған мыңнан астам балалар, олардың ұстаздары, ата-аналар қатысуда.

Шара барысында "Бейбіт аспан аясында өмір сүреміз" деген атаумен концерттік бағдарлама, асық ату, тоғызқұмалақ, шаxмат секілді интеллектуалды спорт түрлерінен турнир, шығармашылық жұмыстардың көрме сатылымы, сәндік-қолданбалы өнер мен бейнелеу өнерінен шеберлік сағаттары, "Букроссинг" акциясы, ойындар, флешмоб және фотосессия жоспарланған.