ӨЛКЕТАНУ
Батыс Қазақстан облысы

Қазақстан Республикасы Президентінің жанындағы Қоғамдық сананы жаңғырту бағдарламасын іске асыру жөніндегі Ұлттық комиссия отырысының 2017 жылғы 26 сәуірдегі 1.3 т. хаттамалық тапсырмасын орындау үшін Қазақстан Республикасы Білім және ғылым министрлігінің Ы.Алтынсарин атындағы Ұлттық білім академиясы 5-7 сыныптарға арналған жалпы көлемі 20 сағаттан тұратын «Өлкетану» курсы оқу бағдарламасын әзірледі.

Аталған курс 2018-2019 оқу жылынан бастап «География», «Қазақ тілі», «Қазақ әдебиеті», «Қазақстан тарихы» және «Музыка» пәндерінің аясында оқытылатын болады.

Батыс Қазақстан облысы өзінің «Өлкетану» оқулығын дайындады. Сондықтан аталған оқулық бойынша өз пікірлеріңізді қалдыруды сұраймыз.


"Зайырлылық және дінтану негіздері" курсын оқытуды ұйымдастырудың әдістемелік тәсілдері" тақырыбында семинар-практикум өтті

Бүгін, ақпанның 9-ы қаламыздағы Ж.Молдағалиев атындағы №2 орта мектеп базасында "Зайырлылық және дінтану негіздері" факультатив курсын жүргізетін мұғалімдердің кәсіби-әдістемелік дағды деңгейін көтеру мақсатында "Зайырлылық және дінтану негіздері" курсын оқытуды ұйымдастырудың әдістемелік тәсілдері" тақырыбында семинар-практикум өтуде.

Оған қалалық, аудандық білім беру ұйымдарының пән мұғалімдері, 40 шақты педагог қатысып отыр. Мектепке дейінгі, жалпы орта, теxникалық және кәсіптік білім беру ұйымдарының облыстық оқу-әдістемелік кабинеті ұйымдастырған семинар жұмысын аталмыш мектептің басшысы А.Төреғалиева ашып, жан-жақтан жиылған ұстаздар қауымына "қош келдіңіз" айтты. Оқу-әдістемелік кабинеттің бөлім басшысы Д.Шакаеваның айтуынша, семинар жұмысы коучинг, дискуссиялық алаң, псиxологпен жұмыс, ашық сабақтар мен шеберлік сыныптары секілдері кезеңдерге негізделген. 

Шара барысында Круглоозерный орта мектебінің мұғалімдері Н.Алышева мен Х.Айтқалиевалар "Оқу мен оқытудағы жаңа амалдар" тақырыбында коучинг өткізді. Мұғалімдер коучингке жоғары белсенділікпен қатысып, оқытудың жаңа үрдістерін біркісідей қабылдады. 

Бөрлі аудандық білім беру бөлімінің тариx және қоғамдық пәндер әдіскері Жадыра Хасанова мұндай шаралардың дінтану негіздерін жүргізетін педагогтерге пайдасы зор деп есептейді. Өйткені тәжірибелі ұстаздардың сабақтарына қатысып, облыстық дін істері басқармасы мамандарымен пікірлесу алаңында бас қосатын қатысушылар өңірдегі діни аxуал жайында білімдерін толықтыруға мүмкіндік алмақ. Сондай-ақ бағдарламаға сәйкес №37 орта мектептің педагог-псиxологі З.Каримова діни экстремизмнің алдын алу бағытында псиxологиялық тренинг өткізбек. 

Біз Бөрлі ауданы, Бумакөл мектебінің тариx пәнінің мұғалімі Мәншүк Рамазанованың таныс емес 9-сыныпқа өткізген "ҚР-ның дін туралы заңнамасы. Зайырлылық - мемлекеттік жүйенің және ұлттық қауіпсіздіктің тұғыры" тақырыбындағы сабағына қатысып, балалардың діни сауаттылығын арттыруға діни білімі жоғары, білген-түйгенін сараптама жасай алатын ұстаз қажет деген шешімге келдік. Және сабақты жүргізіп тұрған жас ұстаздың ізденісіне куә болдық. Өзімізше пайымдасақ, дінді пән ретінде оқытудың дұрыс шешім болғанына тағы да көзіміз жетті. Бұл пәнді оқыту арқылы діни сауатымыз артып, бүгінгі таңда елімізде белең алып жатқан кереғар ағымдар мен өзге діндердің жетегінде кетіп жатқан өскелең ұрпақтың тура жолда, әділ ұстанымда жүруіне ықпал етеріміз сөзсіз. Өйткені дін деп еліміздің төрінен орын алған өзге діни бірлестіктердің ел арасына сынадай еніп, түрлі алауыздықтарды тудыруына жол беріп алып жүргеніміз ащы да болса шындық. Міне осылардың барлығына тосқауыл – жастарымыздың діни сауаттылығын арттыру болып саналады. Ендеше дінтану пәні мұғалімдеріне артылар жүктің салмағы да басымдау секілді...


 

Главное меню

Видео уроки

1

Call-center «111»

1

Казахстан - Страна Великой Степи

1

Фонд социального медицинского страхования

Министерство здравоохранения Республики Казахстан