08.02.2018 9:31

7-ші ақпан күні жергілікті тұрғындар Деркөл Мәдениет үйінде №1 Балалар өнер мектебінің ұстаздары мен оқушылары ұйымдастырған «Біз – бақытты елдің болашағымыз» атты концертті тамашалады.

Елбасының «Болашаққа бағдар: рухани жаңғыру» мақаласындағы міндеттерді жүзеге асыру мақсатында ұйымдастырылған шарада №1 Балалар өнер мектебінің ұжымдары қазақ халық аспаптары оркестрі (жетекшісі Б.Қуанғалиева), би ұжымдары (жетекшілері Г.Асқарова, Қ.Нұрғалиева), хор ұжымы (жетекшілері Э.Рахымбердина, Иванова), қобызшылар және ұстаздар ансамбльдері өнер көрсетті.
Нұрсұлтан Қуанышқалиев пен Алина Тагиева мәнерлеп тақпақ оқып, Мөлдір Маратова, Фархад Магаррамов, Камилла Елеусінова, Алан Мерғали вокалдық әндер шырқаса, Наурызбек Кузанбаев М.Әубәкіровтің «Талас» күйін, мектебіміздің түлегі Ибрагим Валиев молдова халқының «Дайчово хоро» шығармасын аккордеон аспабында аса шеберлікпен орындады. Мұнайдар Баймолданың сөзіне жазылған Думан Байтілеудің әні «Оралымды» Нұрәли Өтеғалиев нақышына келтіре әуелетті. 
Ұжым өнерпаздарының өнеріне тәнті болған ата-аналар, ұстаздар, жалпы көрермендер ризашылықпен тарасты.