2017 жылдың 22 желтоқсан күні Орал қаласының №50 «Заңғар» бөбекжайы базасында облыстың мектепке дейінгі ұйым әдіскерлері арасында «Ең үздік мектепке дейінгі ұйым әдіскері» атты облыстық байқауы өткізілді.

Байқаудың мақсаты: Әдіскерлердің кәсіби құзырлылығын, әлеуметтік мәртебесін арттырып және олардың педагогикалық шеберлігін шыңдау.

Байқауға мектепке дейінгі ұйымдардың 12 әдіскері қатысты.

Қазылар алқасы мүшелерінің шешімімен Бас жүлдені және «Ең үздік мектепке дейінгі ұйым әдіскері» атағын Ақжайық ауданы «Балбөбек» бөбекжайының әдіскері С.Сиражева, І орынды – Зеленов ауданы «Жұлдыз-ай» бөбекжайының әдіскері Р.Асанова, ІІ орынды – Қаратөбе ауданы «Балапан» балабақшасының әдіскері Ж.Жумагулова, ІІІ орынды - Казталов ауданы «Балдаурен» бөбекжайының әдіскері С.Мукаева иеленді.

Ерекше шығармашылықтарымен көзге түскен Теректі ауданы «Өркен» бөбекжайының әдіскері Д.Туякова «Креативті әдіскер», Шыңғырлау ауданы «Бөбек» бөбекжайының әдіскері Н.Кужиева «Шығармашыл әдіскер», Орал қаласы «Жазира» бөбекжайының әдіскері Н.Ишангалиева «Жаңашыл әдіскер»номинацияларымен марапатталды.