2017 жылдың 14 желтоқсан күні Орал қаласы №45 жалпы орта білім беретін мектебі базасында аудандық (қалалық), облыстық мектептерінің жаңартылған білім беру мазмұны аясында 1, 2 сынып мұғалімдеріне арналған «Пәндік- тілдік интеграцияланған CLIL (Content and Language Integrated Learning) оқыту әдістемесінің тиімділігі» тақырыбында оқыту семинары оздырылды.

Семинар 4 негізгі бөлімнен құралды: «Мектептегі интеграция» бөлімінде интеграция түсінігі және CLIL оқыту әдістемесі туралы теориялық ақпарат берілді, «Интеграция – зерделеу аймағында» бөлімінде интеграцияның маңыздылығы эксперимент арқылы ашылып, қатысушылар өз тәжірибелерімен бөлісуге мүмкіндік алды. «Интеграция - тәжірибеде» бөлімінде жаңартылған бағдарламадағы пәнаралық интеграция бағытындағы бейнесабақ және ықшамсабақ түрінде шеберлік сыныбы көрсетілді.

Сонымен қатар, Теректі ауданы Шаған жалпы орта білім беретін мектебінің мұғалімдері «Эффективность предметно-языковой интеграции учебной методики CLIL» атты практикалық жұмыстарымен, Бөрлі ауданы Ақсай қаласы №5ЖОББМ бастауыш сынып мұғалімдері «Интегрированные уроки как средство повышения эффективности обучения и языковой компетенции учащихся», Жаңақала ауданы Жаңақала жалпы орта білім беретін мектебінің мұғалімі 2-ші сыныптағы жаратылыстану пәні бойынша «Жердің ауа қабаты. Earths air layer» тақырыбында өз тәжірибелерімен бөлісті.

Семинарға қатысушылар интеграция, CLIL әдістемесі туралы теориялық және практикалық білімдері мен тәжірибелерін толықтырып, өз тәжірибелерімен бөлісті және көкейтесті сауалдарына жауап алды.