«Мектеп кураторлары қызметіндегі жетістіктер, проблемалары мен келешегі» тақырыбында облыстық семинар-практикумы туралы |
Мектептерде кураторлық қызметті жандандыру, іс-тәжірибе алмасу және әдістемелік көмек беру мақсатында ағымдағы жылдың 13 желтоқсанында «Мектеп кураторлары қызметіндегі жетістіктер, проблемалары мен келешегі» тақырыбында облыстық семинар-практикумы өткізілді. Семинарға Орал қаласының физика-математика бағытындағы Назарбаев Зияткерлік мектебінің кураторлары, аудандық (қалалық) білім беру бөлімдерінің тәрбие жұмысы жөніндегі әдіскерлері, облыстық мектеп директорларының тәрбие жұмысы жөніндегі орынбасарлары, кураторлары қатынасты. Семинар барысында Назарбаев Зияткерлік мектебінің кураторлары озық жобаларымен, дарынды балаларға арналған мамандандырылған С.Сейфуллин атындағы №11 облыстық қазақ мектеп-интернат-кешені, Теректі ауданы Шаған ЖОББМ директорының тәрбие жұмысы жөніндегі орынбасарлары іс-тәжірибелерімен бөлісті. Қатысушыларға «Стрессіз мектеп» жаттығулар жобасы мен кураторлық қызмет құжаттарының жүргізілуі, сынып ұжымын қалыптастыруда куратордың рөлі, «Әкелер» және «Аналар» кеңесінің жұмысы, «Шаңырақ» сағатын өткізудегі жаңа әдіс-тәсілдер бойынша шеберлік сыныптар өткізілді. Семинар соңында ұсынбалар қабылданды. |