«Баланы жан-жақты етіп тәрбиелеу үшін оны жан-жақты білу керек, – деп белгілі К. Д. Ушинский айтқандай, техникалық және кәсіптік білім беру ұйымдарындағы жасөспірімдердің арасындағы құқық бұзушылықтың алдын  алуда балалармен жүргізілетін жұмыстың деңгейін анықтау, педагогикалық іс шараларды көрсету, сапасын арттыру, өзара тәжірибе алмасу. Отбасының атқаратын қызметіне талдау жасау, жұмыс істеу әдістемесін ұсыну мақсатында, Мектепке дейінгі, жалпы орта, техникалық және кәсіптік білім беру ұйымдарының облыстық оқу-әдістемелік кабинетінің директорлары тәрбие ісі жөніндегі орынбасарларының облыстық әдістемелік бірлестігінің жұмыс жоспарына сәйкес 2013 жылғы 20 мамырында Теректі колледжі базасында «Жасөспірімдердің арасындағы құқық бұзушылықтың алдын-алу  жолдары» тақырыбында дөңгелек үстел отырысы оздырылды.

«Қазіргі заманда болашақ жұмысшы мамандарға ақпараттық технологиямен байланысты әлемдік стандартқа сай мүдделі жаңа білім беру өте қажет» деп, Елбасы атап көрсеткендей жас ұрпаққа білім беру үдірісінде ақпараттық технологияларды қолданудың тиімділігін арттыру, кәсіптік білім беру педагогтарының кәсіби деңгейін көтеру, педагогикалық тәжірибелерді жинақтау мен тарату, шығармашылықпен жұмыс жасайтын педагогтардың іс-тәжірибелерінің таралуына жағдай жасау мақсатында, 2013 жылдың 17 мамырында Ақсай техникалық колледжі базасында Мектепке дейінгі,жалпы орта, техникалық және кәсіптік білім беру ұйымдарының облыстық оқу-әдістемелік кабинетінің жоспарына сәйкес ауылшаруашылық мамандықтары бойынша инженер-педагогтардың облыстық әдістемелік бірлестігі мүшелерінің қатысуымен «Жаңа ақпараттық техникалық құралдарды пайдалану» облыстық семинар-кеңесі оздырылды.