Фашисттермен шайқасудағы Ұлы Жеңістің 70 жылдығы жақындап келеді. Ұлы Отан соғысындағы Жеңістің 70-жылдық мейрамы қарсаңында  облыстың білім беру ұйымдарымен соғыс және тыл ардагерлерінің қатысуымен мерекелік шаралар өткізілді. Мысалға, облыстық дарынды балаларға арналған қазақ-түрік мамандандырылған мектеп-лицей-интернатының базасында ҰОС ардагері К.Б.Байменовтың қатысуымен «Мың тағзым саған ардагер» тақырыбында кездесу өтті. Кездесуге 8-10 сынып оқушылары қатысты. Соғыс ардагері К.Байменов оқушыларға Сталинград шайқасы туралы айтып, балаларды еліміздің бейбітшілігі мен тәуелсіздігін бағалауға шақырды.

Облыстық білім басқармасының және оқу – әдістемелік кабинетінің ұйымдастыруымен 2015 жылдың 24 сәуір күні Технологиялық колледжінің базасында техникалық және кәсіптік білім беру ұйымдары студенттері арасындағы «WorldSkills Kazakstan» облыстық кәсіби шеберлік біріншілігі «Шаштараз ісі» мамандығы бойынша оздырылды.