Балалар мен жасөспірімдерді экологиялық білімнің белсенді түріне тарту, өскелең ұрпақты қазақстандық патриотизмге тәрбиелей отырып, тазалық пен әсемдік белгісін насихаттау мақсатында 3 маусым күні қалалық мәдениет және демалыс саябағында «Туған өлкем» атты облыстық «Гүлдер әлемі» фестивалі өткізілді.

Облыс бойынша барлық жалпы білім беретін мектептерде 25 мамыр күні соңғы коңырау салтанаты оздырылды. Салтанатты жиын Қазақстан Республикасы Тәуелсіздігінің 25 жылдығы мерейтойымен байланыстырылып, Елбасы Нұрсұлтан Әбішұлы Назарбаевтың «Қазақстан жолы – 2050: бір мақсат, бір мүдде, бір болашақ» атты Қазақстан халқына Жолдауында ашып көрсетілген «Қазақстан - 2050» Стратегиясының ауқымды міндеттері, сондай-ақ ата-бабамыздың арманы болған және тәуелсіз Қазақстанымыздың тәжірибесінен туындаған «Мәңгілік Ел» ұлттық идеясы негізге алынды. Оқу жылының аяқталуына арналған салтанатты жиынға жергілікті атқарушы органдар өкілдері (облыс, аудан (қала) әкімдіктері, облыстық білім басқармасы, аудандық (қалалық) білім беру бөлімдері), «Нұр Отан» партиясы өкілдері, ардагер ұстаздар, мектептің педагогикалық ұжымы, оқушылар, ата-аналар, өткен жылдар бітірушілері, білім беру саласындағы меценаттар қатысты.