Білім басқармасының 2016 жылғы жоспарына сәйкес 13-14 желтоқсан күндері Орал қаласының №25 ЖОББМ және №42 «Ақниет» гимназиясының спорт залдарында оқушылар арасында салауатты өмір салтын насихаттау, мектеп оқушыларын қол добымен жүйелі түрде шұғылдануға үгіттеу мақсатында қол добынан «Ұшқыр доп» облыстық турнирі өткізілді. Турнир дәстүрлі түрде ұйымдастырылып келеді, жыл сайын командалардың саны артуда. Турнирге аудан, қала және облыстық мектептерінен – 9 командадан 108 оқушы қатысты.

2016 жылдың 6 - 8 желтоқсан күндері Ақтау қаласында I аймақтық «Әбіш оқулары» байқауы өтті. Байқау Қазақстан Республикасы Тәуелсіздігінің 25  жылдығы қарсаңында және  Қазақстан Республикасының Халық жазушысы, қазақ әдебиетінің ірі өкілі, мемлекет және қоғам қайраткері Әбіш Кекілбаевтың шығармашылығының көркемдік ерекшелігін, бай сөз қорын оқушылар арасында насихаттау мақсатында өткізілді.  «Әбіш оқулары» байқауына Ақтөбе, Маңғыстау, Атырау және Батыс Қазақстан облыстарынан командалар қатысты.